Vi använder cookies för att webbplatsen ska fungera på ett bra sätt för dig.
Genom att surfa vidare godkänner du att vi använder cookies. Vad är cookies?

Tärkeitä telelfooninumeroita/Viktiga telefonnummer

Kontaktperson

,
Telefon:
E-post:

Tähän met olema koohneet telefooninumeroita joista saattaa olla hyvä tietää ko halvat ottaa yhtheyen maakäräjille.

Oletko siukka eli loukkaintunnu?

Akyytti taphauksissa – soita 112

Soita 112 jos oon hengenvaaralinen siukkuus eli loukkaintuminen. Täälä oon pärsunaalia vuorokauet ympäri. Soittamalla 112 pääset kans polisille ja pelastuslaitoksheen.

Ei-akyytti taphaukset – soita 1177

Saatat soittaa 1177 vuorokauet ympäri. Täälä vastaa hoitopärsunaali ja net ossaavat päättää jos sie tarttet hakkeutua hoitamisheen. Jos knapitat sisäle henkilönumeron ko soitat numehroon 1177, met karanteeraama ette sinun hoitosentraalista soitethaan sulle. Tämä jällaa päiväsaikhoin arkina.  

Siukkahoitoneuontaa webilä – www.1177.se

Tässä saatat lukea siukkuuksista, tutkimuksista ja ittehoitamisesta (egen-).


Voitko sie psyykkisesti huonosti? 

Akyytti taphauksissa – soita päivystysvasthaanotole (jour-) eli niitten telefoohniin:

Psykiatrisia päivystysvasthaanottoja:

Sunderbyn siukkatupa, telefooni 0920-28 27 28
Jellivaaran siukkatupa, telefooni 0970-194 26
Vasthaanotot oon auki vuorokauet ympäri.
Sie saatat käyä päivystysvasthaanotoila eli soittaa niile riippumatta siittä missä asut.

Päivystystelefooni Piteåssa:

Telefooni 0911-754 00
Täälä vastaa systeri vuorokauet ympäri.
Sie saatat soittaa päivystystelefoohniin missä vain asut tässä läänissä.

Ei-akyytti taphauksissa – kontaktaa sinun hoitosentraali.

 
Voipiko sinun lapsi psyykkisesti huonosti?

Akyytti taphauksissa – soita päivystystelefoohniin
0920-23 10 60.

Päivystystelefooni oon auki vuorokauet ympäri.

Ei-akyytti taphauksissa – Kontaktaa sinun hoitosentraali.


Tarttetko sie hammashoitoa?

Akyytti hammashoito 

Päiväsaikhoin arkina: 

Soita sinun hammasklinikille.

Vähemän akyytit taphaukset illoila ja pyhinä/viikonloppuina:

Soita ensi käessä 1177 eli kontaktaa sinun hammasklinikki seuraavanna arkina.

Vaikeat akyytit taphaukset illoila ja pyhinä/viikonloppuina:

Soita 112.

Ei-akyytti hammashoito

Ota yhtheys sinun hammasklinikin kans. 

Löyä hammasklinikki

Länkkimenyyn kautta tämän sivun oikella puolen löyät hammasklinikkiä Norrbottenissa. Huomioitte ette palvelu oon ruottiksi.


Halvatko sie kontaktia sinun hoitosentraalin kans?

Soita 1177 jos oon päiväsaika ja arkipäivä. 

Jos päiväsaikhaan knapitat telefoohniin sinun henkilönumeron, met karanteeraama ette sinun hoitosentraalista soitethaan sulle.

Löyä hoitosentraali

Länkkimenyyn kautta tämän sivun oikealla puolen löyät hoitosentraalia Norrbottenissa. Huomioitte ette palvelu oon ruottiksi.

 

Halvatko kontaktia siukkatuan kans?

Jellivaaran siukkatupa

Telefooni: 0970 -190 00

Kaihnuun siukkatupa

Telefooni: 0923-760 00

Kirunan siukkatupa 

Telefooni: 0980-73000

Piteån väylänvarren siukkatupa

Telefooni: 0911-750 00

Sunderbyn siukkatupa

Telefooni: 0920-28 20 00 

10 februari 2012
Kommentera sidan

Kommentera innehållet på sidan

Här kan du skicka in synpunkter eller kommentera innehållet på den aktuella webbsidan.
Det du skriver här skickas till Region Norrbottens webbredaktion.

Om du behöver kontakta vården ska du inte använda detta formulär. Ange inte några personuppgifter här.

Kontakta istället din hälsocentral eller vårdenhet via telefon eller genom att logga in på 1177 Vårdguidens e-tjänster.

* = Obligatorisk uppgift

    • Bild för användarverifiering