Hoitosentraalin valinta/Att välja vårdcentral
Kontaktperson
,
Telefon:
E-post:
Kaikki jokka asuvat Norrbottenissa saattavat vaphaasti valita hoitosentraalin. Sitä kuttuthaan hoitovalinaksi.
Minkälaisele hoiole hoitovalinta jällaa?
Se hoitosentraali jonka sie valittet, oon se jossa sie ensi käessä käyt. Se jällaa kaikkia hoitokontaktia, esimerkiksi:
- Pruuitten ottoa
- Tohturissa käyntiä
- Äitiysterhveyenhoitoa
- Lasten terhveyshoitoa
- Piirisysterillä (distrikts-) käyntiä
Hoitovalinta ei vaikuta sinun käynthiin siukkatuala, privaatilla tohturilla eli privaatilla siukkavoimistelioila (-gymnaster).
Hyvä jos tehet hoitovalinan
Met kehotamma sinua tekehmään hoitovalinan. Se oon helppoa. Sie vain kontaktaat sen hoitosentraalin jonka listale sie halvat. Privaatille hoitosentraalille jällaavat samat säänöt ko maakäräjitten. Maksot oon kans samat kaikila Norrbottenin hoitosentraalilla.
Jos sie et tehe aktiiviä hoitovalintaa, sinut listathaan sinun kotiosotetta lähhiimälle hoitosentraalile. Saatat tehä hoitovalinan e-palvelun Minun hoitokontaktit kautta kans, mutta se oon vain ruottiksi.