Vi använder cookies för att webbplatsen ska fungera på ett bra sätt för dig.
Genom att surfa vidare godkänner du att vi använder cookies. Vad är cookies?

Lääninkirjastosta/bibliuteekistä / Meänkieli

Kontaktperson

,
Telefon:
E-post:

Yhteistyössä ja vuorovaikutuksessa kunnitten kansankirjastoitten kans Lääninkirjasto on töissä ammattilisen kirjastonkehityksessä ja kehittää komynikasjuunivälinheitä ja veppiresyrsiä. Met olema napa ja yhteenpitävä aktööri projektissa, yhteistöissä ja verkostoissa.

 

Norrbottens länsbibliotek

Yhteistyössä ja vuorovaikutuksessa kansankirjastoitten kans Lääninkirjasto on töissä ammattimaisen kirjastokehityksen kans. Met olema napa ja se yhteenpitävä aktööri projektissa, yhteistyössä ja verkostossa. Meilä on tukeava ja neuvonantava tehtävä läänin kirjastohenkilökunnale ja järjestämä työtapaamisia ja jatkokoulutusta.

Visjuuni läänin kirjastoyhteistyöle:

Norrbottenin kirjastot on ittesthään selvä ja luonolinen osa kaikista ihmisten elämästä ja arkipäivästä. Met vaikutama ette tehhä Norrbottenista enemän kokeilu rikhaaksi paikaks missä saattaa ellää.

Lääninkirjasto vaikuttaa kans ette norrbottninkilaisten kirjalisuus, meetia ja palvelu tarjonta pohjautuu moninaisuutheen, kvaliteehen ja nykyaijan tilantheesheen.

Prioriteeratut alueet meän tehtävässä on lapsitten ja nuoritten osalistuminen ja yhessä luominen, veppiresyrsitten ja komynikasjuunin kehitys sekä ette nostaa esile Norrbottenin kirjalisuutta. Lääninkirjasto pittää kans, yhessä kunnitten ja Kuninkhaalisen kirjaston kans, seurata ylös läänin kirjastosuunitelmia.

 

Bibblo.se

Yhteinen portaali Norrbottenin Kirjastoile on nimeltä Bibblo.se.

Sinun kirjastokortila ja salasanala sie saatat päästä sisäle kirjastoitten sisimäishiin koska haluat vuorokauen aikana. Sie saatat kuunella äänikirjoja, varata ja pidentää laina-aikaa ja lukea e-kirjoja sinun daattorissa. Tietysti sie saatat tehhä paljon enemän kans ilman korttia, kuin ette hakea ja saa tipsiä kirjoista, filmistä ja musiikista. Met yhistämä uteliaisuutta, hyötyä ja iloa verkostossa!

Kontakti: Maria Öman, e-posti: maria.e.oman@nll.se, Biblo.se:n päätoimittaja ja konsylentti Norrbottenin lääninkirjastossa. 

 

Polarbibblo

Polarbibblo.se

Polarbibblo, joka starttasi 1997, ja mitä Norrbottenin lääninkirjasto toimittaa on tänä päivänä aktiivinen veppipaikka missä lapset tekevät äänensä kuulutuks.

Se tapahtuu kun käyttäjät lähättävät sisäle tekstiä ja tekninkiä eli tekevät meän erikoisen veppikuvakirjoja. Ennen julkasua yks redaksjuuni käsittelee aina, ja monta kertaa kontaktissa lähättäjän kans, lähätetyn materiaalin. Ajatus on tietysti ette tällä vuorovaikutus toiminalla stimyleerata lasten lukemista ja kirjottamista. Ja sillä tavala vaikuttaa elävhään ja muuttuvhaan sisälthöön.

Vuesta 2010 saittia toimitethaan yhteistyössä Norrbottenin Kirjastoitten kans. Redaksjuuni koostuu henkilökunnasta joka tullee monesta kansankirjastoista sekä Lääninkirjastosta. Yhessä kansankirjastoitten kans suoritethaan joka vuosi arvostettu Lastenkirjaviikkoitten toiminta.

Sen lisäks joka kuukausi kaikki lapset jokka on lähättänheet biitrakia, ja jokka niin toivovat, saavat osalistua kirjalotterhiin missä net saattavat valikoittea erilaisitten lasten ja nuorten kirjoitten välilä riippuen iästä ja kiinostuksesta.

 

Norrbottensforfattare.se 

Tässä kuvathaan kirjailijan ja hänen kirjalisuus. Sie saatat kans lukea lyhempiä tekstiä valikoituista kirjoista. Met tarjoaama kans vähän kyrioosaa.  

Norrbottenin kirjailijoila met tarkotama kirjailijoita jokka on syntynheet ja kasunheet läänissä eli asuvat eli on asunheet täälä yhen aijan. Mutta heän kirjalisuuela ei tartte olla yhteyksiä Norrbottenhiin.

2005 julkasthiin ensimäiset kuvvaukset ja kokoelma laajenee joka vuosi.

Kontakti: Maria Öman, e-posti: maria.e.oman@nll.se, Biblo.se:n päätoimittaja ja konsylentti Norrbottenin lääninkirjastossa

 

Norrbottenin kirjastot

”Yks kirjasto 2013” oli nimi yhessä yhteistyöprojektissa Lääninkirjaston ja Norrbottenin kansankirjastoitten kans. Ajatus tämän takana oli ette lisätä käytettäväisyyttä kokoelmhaan kirjoja ja äänikirjoja sekä ette luoa kirjastoverkoston missä on yhtenhäinen daattasysteemi, katalooki ja kirjakuljetuksia. Nyt on kaikki paikala ja toimii janyaarista 2013.

Norrbottenin kirjastot on sillä tavala yhteisesti luonheet stryktyyrin helpottaaksheen kaikile Norrbottenin lainaajille ja kirjastonystäville. Yhtenhäinen kirjastodaattasysteemi ja katalooki tarjoaa norrbottenilaisile reilun valikoiman kirjoja, äänikirjoja ja muuta meetiata. Kirjatransportit on yhessä systeemissä ja sillä tavala norrbottenilainen saattaa sekä lainata ette jättää kirjan takashiin siihen läänin kirjasthoon mitä se haluaa. Lainauspaikka saattaa siis olla muu kun jättöpaikka. Työ tehtiin Lääninkirjaston johola projektissa ”Yks kirjasto 2013”.

 

29 oktober 2015
Kommentera sidan

Kommentera innehållet på sidan

Här kan du skicka in synpunkter eller kommentera innehållet på den aktuella webbsidan.
Det du skriver här skickas till Region Norrbottens webbredaktion.

Om du behöver kontakta vården ska du inte använda detta formulär. Ange inte några personuppgifter här.

Kontakta istället din hälsocentral eller vårdenhet via telefon eller genom att logga in på 1177 Vårdguidens e-tjänster.

* = Obligatorisk uppgift

    • Bild för användarverifiering